Plan Climat-Air-Energie Territorial Vallée de l'Ariège

Gaikako sektoreak:

Nekazaritza-artzaintza

Basoak

Etorkizuneko klima

Goi-mendiko ekosistema sentsibleak

Energia

Fauna

Landaredia

Baliabide hidrikoak

Turismoa

EBko politika sektoreak:

Beste batzuk (energia)

Ezaugarritze geografikoa - Eskualde biogeografikoa:

Alpinoa

Proiektuaren iraupena:

2017-2019

Egokitzeko ekimenaren tipologia:

Soft edo neurri ez-estrukturalak

Klimaren eragin mota:

Kriosfera degradatzea

Lur-irristatzeak eta luiziak

Urritasun hidrikoa

Izozteak

Uholdeak

Lehorteak

Muturreko tenperaturak

Ekaitzak

Aztertutako kasuaren deskribapena

Frantziako Occitanie eskualdean, 20.000 biztanletik gorako 74 intercommunalite klimaren aldaketaren erronkei eskualde-mailan heltzeko berariazko planak egitera behartuta daude. L 'Ariège haranaren kasuan, bere lurraldeko Climat-Air-Energia Plana (PCAET) garatzen ari da une honetan, 2019tik aurrera ekintzak inplementatzen hasteko helburuarekin.

Erronkak:

PCAET plana lurralde-mailan garapen iraunkorrerako plana da, eta erronka nagusia klimaren aldaketa arintzea eta horretara egokitzea da, eta baita energia berriztagarriak garatzea, energiaren kontsumoa murriztea eta emisio kutsatzaileak gutxitzea ere, mendialdeko landa-eremuko eskualde-testuinguru batean. Aurrekoarekin bat etorriz, plan hau lurraldeko funtsezko eragile guztiek parte hartuta egiten da, etorkizunean zeharkako ezarpena ziurtatzeko erronka gisa.

Helburuak:

Hauek dira PCAETen helburu nagusiak:
- lurraldearen egoera diagnostikatzea klimaren aldaketaren mehatxuen aurrean.
- klimaren aldaketa arintzeko eta klimaren aldaketara egokitzeko estrategiak definitzea lurralde mailan.
- lurraldeko energia kontsumoa murriztea.
- 2050ean energia kontsumoaren %100 iturri berriztagarrietatik etor dadila lortzea.
- airearen kalitatea hobetzea.
- frantziak klimaren aldaketaren aurkako borrokaren arloan hartutako nazioarteko konpromisoak betetzea.

Soluzioak:

Hauek dira PCAETek orain arte (2018) gauzatutako ekintzak:
- lurraldearen diagnostikoa egitea klimaren aldaketaren aurreko urrakortasunari dagokionez, energia berriztagarriak garatzeko potentziala, lurzoruetan eta basoetan karbonoa bahitzea, airearen kalitatea eta sektore sozioekonomikoen energia-eskaerak kontuan hartuta.
- lurralde-estrategia eta ekintza-plan bat diseinatzea 2050era arte, planteatutako helburuak lortzeko.

2019an jarriko dira martxan dagokion ekintza-planean onartzen diren ekintzak.

Egokitzapenaren garrantzia:

Klimaren aldaketara egokitzeko neurri gisa garatutako eta inplementatutako kasua

Hitz-gakoak:

Energiaren trantsizioa

PCAET

kontzertazioa

TEPOS

energia berriztagarriak

Esku hartzen duten eskualdeak edo/eta hiriak:

Okzitania

Esku hartzen duten herrialdeak:

Frantzia

Gobernantzaren maila-geografikoa:

Lurraldekoa

Parte hartzen duten erakundeak:

Schéma de Cohérence Territoriale (SCOT) de la Vallée de l'Ariège.

Additional Information

Interesa duten eragileen parte-hartzea:

PCAET, 2019an abian jartzeko lege agindua duen Vallée de l 'Ariègeko Schéma de Cohérence Territoriale (SCOT) tokiko gobernu organoak bultzatzen du. 2017tik 2018ra bitartean gauzatutako diseinu-fasean lurraldeko eragile guztien lankidetza eman da, Lantalde tekniko bat, Batzorde tekniko bat eta Gidaritza-batzorde bat sortuz. Hitzarmen-akordioak egin dira eragile pribatuekin, newsletter-ak interesa duten herritarrentzat, online inkestak publiko zabalarentzat, eta hainbat gairi buruzko bilera publikoak tartean diren funtsezko eragileekin.

Arrakasta-faktoreak eta faktore mugatzaileak:

Arrakasta: funtsezko eragileen partaidetza handia, parte hartzeko eta hitzartzeko bideei esker; hasierako epeak betetzea; egindako diagnostikoaren zeharkakotasuna; TEPOS gisa deklaratzen aitzindaria den lurraldea (2050ean kontsumitzen dena baino energia berriztagarri gehiago ekoiztea helburua duen à Energie POSitive lurraldea).

Mugatzaileak: eragile sektorial eta administratibo-politiko ugari dituen lurralde-estrategia egituratzearen konplexutasuna;

Kostuen eta mozkinen balorazioa:

Oraingoz ez da kostuen eta irabazien azterketa zorrotza egin. Eskuragarri dagoen datu bakarra egindako diagnostiko teknikoaren gutxi gorabeherako kostua da, 100.000€ ingurukoa, eta horri komunikazio-kanpainetako gastuak gehitu beharko litzaizkioke.

Alderdi legalak:

Hazkunde berderako Energiaren Trantsizioari buruzko 2015eko Legearen (LTECV) arabera, 20.000 biztanletik gorako lurraldeek energiaren trantsiziorako estrategia propioa garatu behar dute. Vallée de l 'Ariège-ko PCAETaren garapenak EBren LEADER programaren, ADEME Occitanie programaren, L' Ariège-ren Conseil départemental-en, Syndicat départemental d 'Energies de l' Ariège-ren, PNR des Pyrénées Ariégeoises-en eta Enedis konpainia elektrikoen laguntza tekniko eta finantzarioa izan du.

Erreferentziazko informazioa:

2017-2019 (2 urte - gauzatzen)