SAPYRA. Pirinioetako sarbideen segurtasuna elur-jausietarako arriskuaren aurrean

Gaikako sektoreak:

Arrisku naturalak eta biztanleak

EBko politika sektoreak:

Arriskuak murriztea, azpiegiturak

Ezaugarritze geografikoa - Eskualde biogeografikoa:

Alpinoa

Proiektuaren iraupena:

2016-2019

Egokitzeko ekimenaren tipologia:

Green edo ekosistema-zerbitzuetan oinarritutakoak

Soft edo neurri ez-estrukturalak

Klimaren eragin mota:

Kriosfera degradatzea

Lur-irristatzeak eta luiziak

Uholdeak

Ekaitzak

Aztertutako kasuaren deskribapena

Mendiko azpiegituren segurtasuna da Pirinioetako mendigunean klimaren aldaketak sortzen duen erronketako bat, muturreko fenomenoak ugaritzea aurreikusten da eta. SAPYRA proiektuaren helburua Andorrara iristeko mendiko errepideen segurtasuna hobetzea da, elur-jausiak gertatzeko arriskua baitago.

Erronkak:

Negu guztietan, Pirinioetako ibilbideak moztuta egoten dira elur-jausien edo elur-jausien arriskuaren ondorioz. Klimaren aldaketaren ondorioz, muturreko gertakari kopuruak gora egin du eskualde horietan, eta, ondorioz, elurte handiagoak izan dira.

Nazioko eta nazioarteko trukeek gure gizartean gero eta garrantzi handiagoa hartzen duten une honetan, klimaren aldaketa horiek benetako galga dira mendiko eskualdeetako biztanleen bizitzarako eta inguru horretako garapen ekonomikorako. Frantzia eta Andorra zuzenean daude arrisku eta itxitura horien eraginpean. Horregatik, beharrezkoa da mugaz gaindiko proiektu bateratu batean lan egitea arazo hori lantzeko eta parte batean konpontzeko.

Helburuak:

SAPYRA proiektuaren helburu nagusia Andorrako sarbideetan garraio azpiegituren segurtasuna eta bideragarritasuna hobetzea da. Horretarako, bi helburu espezifiko planteatzen dira:
- arriskuen eraginak mugatzea, beren jatorrian edo arriskuan dauden elementuetatik hurbilen.
- fenomenoak denbora errealean hobeto ezagutzea, arrisku-maila ahalik eta zehaztasun handienarekin ebaluatzeko eta kudeatzeko.
- errepide-sarearen mozketa denborak murriztea.

Soluzioak:

Hauek dira SAPYRA proiektuaren esparruan garatutako ekintzak:
- L'Hospitalet-près-l' Andorre, Porté-Puymorens eta Porta udalerrietako hainbat haranetan/korridoretan elur-jausien aurreko sistemak martxan jartzea:
- Basoberritzeko jarduketak egitea Pe9 errepidean.
- Pe31 eta Pe9 korridoreetan babes-sareak, tripodeak eta landaketak instalatzea.
- Elur-jausi, elur, dentsitate eta hezetasun detektagailuak instalatzea H19, H20 eta H22 errepideetan.
- 4 estazio meteorologiko berri instalatzea, arrisku handieneko haranetan/korridoreetan elur-jausiak eragiten dituzten baldintza meteorologikoak zehatzago bereizteko, elur-jausi arriskuaren aurreikuspen lokalizatua hobetuz.

Egokitzapenaren garrantzia:

Klimaren aldaketara egokitzeko neurri gisa garatutako eta inplementatutako kasua

Hitz-gakoak:

Arriskuen kudeaketa

elur-jausiak

errepideak eta komunikazioak

mugaz gaindiko lankidetza

neguko bideak

Esku hartzen duten eskualdeak edo/eta hiriak:

Akitania berria/Nouvelle Aquitanie

Okzitania

Esku hartzen duten herrialdeak:

Andorra

Frantzia

Gobernantzaren maila-geografikoa:

Mugaz gaindikoa

Parte hartzen duten erakundeak:

Frantziako Direction Interdépartamentale des Routes-Ministére de la Transition Écologique et Solidaire, Frantziako National de Forêts, Andorrako Gobernua eta CEREMA.

Additional Information

Interesa duten eragileen parte-hartzea:

SAPYRA proiektua Frantziako Ministére de la Transition Écologique et Solidaire-ren Direction Interdéecutentale des Routes-ek koordinatu du, Frantziako Office National de Forêts erakundearekin (landa-lanak egiteko koordinatzailea), Andorrako Gobernuarekin eta CEREMArekin elkarlanean.

Arrakasta-faktoreak eta faktore mugatzaileak:

Arrakasta: nazioz haraindiko arazo bati modu integralean heltzen dion mugaz haraindiko lankidetzarako proiektua; espezialista ekologoek ekosistema sentsibleetan egindako azpiegitura-lanak gainbegiratzea; Pirinioetan elur-jausien portaeraren lehen azterketa zehatza eta, xehetasun handiko eskalan, izango duten mehatxuaren aurreikuspena.

Mugatzaileak: goi-mendiko azpiegituren garapenaren konplexutasun teknikoa, tekniken, materialen eta makinen kostu handia; ekosistemen oso izaera sentsiblea mendi-hegaletan; azpiegituren erantzuteko gaitasunaren ziurgabetasuna denboraldi bakoitzeko baldintza meteorologikoen arabera; urteko funtsezko mantentze-lanak.

Kostuen eta mozkinen balorazioa:

Proiektuaren aurrekontua, guztira, 4.336.614,69€-koa da, eta Europar Batasuneko Interreg POCTEFA programak finantzatzen du zati baten.

Alderdi legalak:

SAPYRA proiektua INTERREG V POCTEFA programan sartzen da 2014-2020 aldian. Programaren 2. ardatzeko ekintzei atxikitzen zaie: “Klimaren aldaketara egokitzea eta arriskuen prebentzioa eta kudeaketa sustatzea”. Europar Batasunaren inbertsio-lehentasun hauekin bat dator: (Pi 5a) lurraldeak klimaren aldaketara hobeto egokitzea eta (Pi 5b) lurraldeko eragileek arrisku espezifikoei eta hondamendi naturalen kudeaketari aurrea hartzeko eta erantzuteko duten gaitasuna handitzea.

Erreferentziazko informazioa:

2016-2019 (3 urte - Gauzatzen)